لانگ مارچ، دھرنوں سے ملکی معیشت کو یومیہ 120 ارب روپے ک

Key Takeaways

اسلام آباد (20 ستمبر 2026): وفاقی وزیر خزانہ محمد اورنگزیب نے کہا ہے کہ لانگ مارچ اور دھرنوں سے ملکی معیشت کو یومیہ 120 ارب روپے کا نقصان ہوگا۔ اے آ

اسلام آباد (20 ستمبر 2026): وفاقی وزیر خزانہ محمد اورنگزیب نے کہا ہے کہ لانگ مارچ اور دھرنوں سے ملکی معیشت کو یومیہ 120 ارب روپے کا نقصان ہوگا۔

اے آر وائی نیوز کے مطابق وفاقی وزیر خزانہ محمد اورنگزیب نے اسلام آباد میں ایک تقریب سے خطاب کرتے ہوئے کہا کہ لانگ مارچ، دھرنوں سے ملکی معیشت کو یومیہ 120 ارب روپے کا نقصان ہوگا اور معاشی ترقی کا سفر متاثر ہوگا، جس کا سارا بوجھ غریب عوام پر پڑے گا۔

وزیر خزانہ نے کہا کہ ہمارا سفر معاشی استحکام سے معاشی ترقی کی طرف جا رہا ہے۔ زرمبادلہ کے ذخائر ملکی تاریخ کی بلند ترین سطح پر پہنچ گئے ہیں۔ مالیاتی خسارے میں نمایاں کمی واقع ہوئی ہے اور اخراجات میں کمی لائی جا رہی ہے۔

محمد اورنگزیب نے کہا کہ ترسیلات زر میں مسلسل اضافہ ہو رہا ہے۔ کرنٹ اکاؤنٹ سرپلس ہے، برآمدات کے شعبے میں بھی درست سمت میں گامزن ہیں اور پاکستان اسٹاک مارکیٹ میں سرمایہ کاروں کی تعداد بڑھی ہے۔ پر امید ہیں کہ معاشی ترقی کے سفر میں مزید تیزی آئے گی۔

انہوں نے کہا کہ بڑی محنت اور مشکل فیصلوں سے معاشی استحکام حاصل کیا ہے۔ موجودہ حالات میں احتجاجی مارچ، ہڑتال اور دھرنوں کی باتیں سمجھ سے بالاتر ہیں۔ دشمن قوتیں پہلے ہی ملک میں ہونے والی دہشت گردی کے پیچھے ہیں۔ احتجاج اور دھرنوں کے بجائے بیٹھ کر مسائل کو حل کریں۔

واضح رہے کہ لیوی کے خاتمے کے لیے آج سے جماعت اسلامی نے کراچی سے اسلام آباد ٹرین مارچ کا آغاز کر دیا ہے۔ کسان اتحاد نے 25 مارچ کو اسلام آباد میں دھرنے کا اعلان کیا ہے جب کہ پی ٹی آئی نے بھی 27 مارچ کو اسلام آباد لانگ مارچ کا اعلان کیا ہوا ہے۔

پٹرولیم لیوی کیخلاف کراچی سے جماعت اسلامی کے ٹرین مارچ کا آغاز

Frequently Asked Questions