36 گھنٹے گزر گئے: سرکاری اسپتال سے لاپتا 3 سالہ عائشہ ک

Key Takeaways

کراچی: سندھ گورنمنٹ اسپتال لیاقت آباد سے 3 سالہ عائشہ عثمان کے مبینہ اغوا کے کیس میں 36 گھنٹے گزرنے کے باوجود پولیس بچی کو تلاش کرنے میں ناکام رہی ہے۔

کراچی: سندھ گورنمنٹ اسپتال لیاقت آباد سے 3 سالہ عائشہ عثمان کے مبینہ اغوا کے کیس میں 36 گھنٹے گزرنے کے باوجود پولیس بچی کو تلاش کرنے میں ناکام رہی ہے۔

بچی کی نانی نے پولیس کو بیان دیا ہے کہ تین سالہ عائشہ عثمان اپنی والدہ اور میرے ہمراہ سندھ گورنمنٹ اسپتال دوائی لینے گئی تھی، بچی کی ماں گائنی وارڈ میں چیک اپ کے لیے گئی ہوئی تھی، اور میں دوائی لینے لائن میں کھڑی تھی۔

نانی نے بتایا کہ اس دوران نامعلوم افراد بچی کو اپنے ساتھ لے گئے، عائشہ کی دوسری بہن فاطمہ بھی وہیں موجود تھی۔

شوہر کے گھر سے نکلتے ہی نامعلوم قاتل نے گھر میں گھس کر چند دن بعد بیرون ملک جانے والی خاتون کو قتل کر دیا

پولیس حکام کا کہنا ہے کہ واقعے کا مقدمہ شریف آباد تھانے میں بچی کی نانی کی مدعیت میں درج کر لیا گیا ہے، علاقے میں لگے سی سی ٹی وی کیمروں کی مدد سے بچی کی تلاش کی جا رہی ہے، تاہم واقعے کو دو روز گزر چکے ہیں اور پولیس کو ابتدائی سراغ بھی نہیں ملے ہیں۔

عائشہ کو اپنے پاس بلانے والی خاتون کون تھی؟

واضح رہے کہ تین سالہ عائشہ عثمان دو روز قبل کراچی کے ضلع وسطی کے علاقے میں قائم سندھ گورنمنٹ اسپتال شریف آباد سے لاپتا ہوئی تھی، ترجمان ڈسٹرکٹ سینٹرل پولیس کے مطابق عائشہ کو اسپتال میں موجود ایک خاتون نے اپنے پاس بلایا اور پھر اپنے ساتھ لے کر غائب ہو گئی۔

لاپتا بچی کی والدہ ٹنڈو آدم سے اپنی والدہ سے ملنے کراچی آئی ہوئی تھی کہ یہ افسوس ناک واقعہ رونما ہوا، لاپتا ہوتے وقت عائشہ نے لال رنگ کا لباس پہنا ہوا تھا۔ پولیس نے عوام سے اپیل کی ہے کہ اگر بچی کے حوالے سے کسی بھی قسم کی کوئی معلومات ہوں تو فوری طور پر شریف آباد پولیس اسٹیشن یا مدد گار 15 پر اطلاع دیں۔

Frequently Asked Questions