این اے 168 بہاولپور ضمنی انتخاب کا فارم 47 جاری

Key Takeaways

بہاولپور: این اے 168 ضمنی الیکشن میں ریٹرننگ آفیسر نے فارم 47 جاری کر دیا ہے، جس کے مطابق مسلم لیگ ن کے ملک منیر اقبال چنڑ کامیاب قرار پائے ہیں۔ فارم
46 رہی۔ شہریوں کی رجسٹریشن : نادرا نے کون سے جدید آلات متعارف کرادیے؟ واضح رہے کہ یہ نشست مسلم لیگ (ن) کے ایم این اے ملک محمد اقبال چنڑ کے انتقال کے ب

بہاولپور: این اے 168 ضمنی الیکشن میں ریٹرننگ آفیسر نے فارم 47 جاری کر دیا ہے، جس کے مطابق مسلم لیگ ن کے ملک منیر اقبال چنڑ کامیاب قرار پائے ہیں۔

فارم سینتالیس کے مطابق ملک منیر اقبال چنڑ نے 87 ہزار 789 ووٹ حاصل کیے ہیں، جب کہ آزاد امیدوار ولید داد چیمہ 39 ہزار 888 ووٹ لے کر دوسرے نمبر پر رہے۔

این اے 168 بہاولپور میں ایک لاکھ 42 ہزار 320 ووٹ کاسٹ کیے گئے، جن میں درست ووٹوں کی تعداد ایک لاکھ 40 ہزار 847 تھی، ریٹرننگ آفیسر کے مطابق ڈالے گئے ووٹوں کی شرح فی صد 29.46 رہی۔

شہریوں کی رجسٹریشن : نادرا نے کون سے جدید آلات متعارف کرادیے؟

واضح رہے کہ یہ نشست مسلم لیگ (ن) کے ایم این اے ملک محمد اقبال چنڑ کے انتقال کے باعث خالی ہوئی تھی۔ پارٹی کی جانب سے ان کے صاحب زادے ملک منیر اقبال چنڑ کو امیدوار بنایا گیا تھا، جب کہ سابق وفاقی وزیر چوہدری طارق بشیر چیمہ کے صاحب زادے چوہدری ولی داد چیمہ نے آزاد امیدوار کی حیثیت سے انتخاب میں حصہ لیا۔

وزیر اعظم کی جانب سے مبارک باد

وزیر اعظم شہباز شریف نے نشست جیتنے پر ملک منیر چنڑ اور ان کے بھائی ڈپٹی اسپیکر پنجاب اسمبلی ملک ظہیر اقبال چنڑ کو مبارک باد دی، اور کہا ملک منیر کی کامیابی عوام کے مسلم لیگ (ن) پر اعتماد کا اظہار ہے۔

انھوں نے کہا ملک منیر اقبال چنڑ کے والد ملک محمد اقبال چنڑ نے قائد نواز شریف کے ساتھ طویل عرصہ پارٹی سے وفاداری نبھائی، اور مسلم لیگ (ن) کے لیے گراں قدر خدمات انجام دیں، ان کے صاحب زادے کی کامیابی اسی وفاداری اور عوامی خدمت کے تسلسل کی عکاس ہے۔

Frequently Asked Questions